ब्याह करके तन्नै नाश करा सै।।

भाईयो आज हर आदमी आपकी बहु तै दुखी सै,
तो इसे टोपिक पै या कविता सै,  जो तंग सै, या तंग होण आले सै,  कौमेंट जरूर करियो:-

आम आदमी गेल्यां तन्नै संताप करा सै,
हे राम ब्याह करके तन्नै नाश करा सै,
रोज ये नई-नई चीज मंगावैं सै,
बिना काम बैरण रूसी पावैं सैं,
म्हारा हर फैसला इन्नै बकवास करा सै,
हे राम ब्याह करके तन्नै नाश करा सै,
हर तीसरे दिन नया थान पड़ावैं सै,
घर समड़ा दिया सारा खूब खावैं सैं,
श्याणा बणके तन्नै या काम खास करा सै,
हे राम ब्याह करके तन्नै नाश करा सै,
हे राम आगली बार तु लुगाई कअ भेष म्हं आईए
आगले जन्म म्हं हामने भी किसे की बहु बणाईए
सतावड़े बटेउंवां नै यो ए मंत्र जाप करा सै
ब्याह होवड़ा आदमी, लुगाईयां तै तंग आरा सै,
मै भी थारी भाभी नै छोड़ कै आरा सै,
कोन्या लाउं कदे भी मन्नै यो ए अलाप करा सै
हे राम ब्याह करके तन्नै नाश करा सै।।