बड़ा होसला करके गबरू नै दिल मांगया कदे तू ना करदे
काँच बरगा सै कालजा इस छोरे का कदे तोड़ के ना धरदे !
तेरे बिना के जीना ,के सै ज़िंदगानी बता मेरी
सांझ सबरे खड्या गाल मे देखू सदा मैं राह तेरी
ज्यूण जोगे तू छोड़े कोणी आर मारे और किसे के ना मरदे !
तेरी बाट मैं खड़े खड़े का कत्ती सांससुख लिया मेरा
कद तक आवेगी बैरन तेरा आन का भी ते ना बेरा
देखि जागी आन जाण्ण की कदे आन की जूठी हामी ना भरदे !
सांस उधारे लेके मैं तो खड्या रहया तेरी राहयाँ के मांह
बेरा ना कद आण समावेगा प्यार तेरा मेरी बाहया के मांह
लोक लाज हो लाज़मी दुनिया ते कदे अपनेया ते होया करे ना परदे !
'''प्रेम गिजरोईया '''की बात मान ले यो तेरा ऐ चाहवन आला सै
हरदम तेरी मान मर्यादा का बनया रह हरदम ते रखवाला सै
मेरे होते के मजाल किसे की जो तेरी कानी आँख ने टेढ़ी करदे !
काँच बरगा सै कालजा इस छोरे का कदे तोड़ के ना धरदे !
तेरे बिना के जीना ,के सै ज़िंदगानी बता मेरी
सांझ सबरे खड्या गाल मे देखू सदा मैं राह तेरी
ज्यूण जोगे तू छोड़े कोणी आर मारे और किसे के ना मरदे !
तेरी बाट मैं खड़े खड़े का कत्ती सांससुख लिया मेरा
कद तक आवेगी बैरन तेरा आन का भी ते ना बेरा
देखि जागी आन जाण्ण की कदे आन की जूठी हामी ना भरदे !
सांस उधारे लेके मैं तो खड्या रहया तेरी राहयाँ के मांह
बेरा ना कद आण समावेगा प्यार तेरा मेरी बाहया के मांह
लोक लाज हो लाज़मी दुनिया ते कदे अपनेया ते होया करे ना परदे !
'''प्रेम गिजरोईया '''की बात मान ले यो तेरा ऐ चाहवन आला सै
हरदम तेरी मान मर्यादा का बनया रह हरदम ते रखवाला सै
मेरे होते के मजाल किसे की जो तेरी कानी आँख ने टेढ़ी करदे !
